„ინეს ბაღი“ თანამედროვე, ეკომეგობრული და ბავშვზე ორიენტირებული საგანმანათლებლო სივრცეა, სადაც თითოეული აღსაზრდელის ჯანმრთელობა, უსაფრთხოება და ჰარმონიული განვითარება ჩვენი მთავარი პრიორიტეტია.

ბაღის შექმნამდე აქტიურად ვთანამშრომლობდით დასავლეთ ევროპელ კოლეგებთან. მათი გამოცდილებისა და რეკომენდაციების გათვალისწინებით, ქართულ საგანმანათლებლო ღირებულებებზე დაფუძნებული სწავლების თანამედროვე მიდგომა შევიმუშავეთ.

ჩვენი პროგრამა ითვალისწინებს ბავშვის ასაკს, ინტერესებსა და ინდივიდუალურ საჭიროებებს. სწავლა მიმდინარეობს თამაშით, შემოქმედებითი აქტივობებითა და ინოვაციური მეთოდებით, რაც ბავშვებს ეხმარება დამოუკიდებელი აზროვნების, კომუნიკაციისა და სოციალური უნარების განვითარებაში.